Ola,
son Adriana e esta é a miña valoración:
PÁXINA DE “CHAMPA”
Este proxecto gústame moito porque ten unha estética moi sinxela, cómoda e moi bonita. Mantén un estilo moi persoal ó longo de todo o traballo. Creo que está moi axeitada ó tema e ó grupo do que trata. De feito, aínda que non coñezo a este grupo, teño a impresión de que o estilo do traballo e o do grupo compleméntanse e poden mellorar xuntas.
Ademais a elección da combinación clásica de branco e negro fai que este proxecto teña máis perdurabilidade no tempo independentemente das modas.
Penso que ten moitísimo valor que esta páxina a fixese unha rapaza soa polo que a miña nota é un nove sobre dez.
PÁXINA “LA COMUNIDAD DEL DESCANSILLO”
Gústame este proxecto pola súa orixinalidade, xa plasmada na idea inicial. Sei que eu non sería unha usuaria porque non me interesa o tema, pero independentemente disto está moi ben plantexada. Sen embargo, non garda unha estética común en tódalas súas partes. Establece un estilo moi chamativo na páxina inicial e unha forma de acceder ás distintas partes integrantes moi clara e orixinal. Creo que se esta entrada estíbese animada gañaría moitísimo, aínda que son consciente do traballo que dá iso.
Nos distintos apartados do proxecto non se mantén a estética inicial e iso provoca que perda moito en calidade porque o obxectivo desta páxina debería de ser que o/a usuario/a se integre de tal maneira que a considere como a súa casa.
A miña nota é un seis sobre dez.
PÁXINA DE “COSALOCA”
Teño claro que desta páxina tampouco sería usuaria creo que está moi ben plantexada para un ou unha posible usuario/a.
É sinxela pero moi resultona e sobre todo cómoda. Ademáis penso que é moi completa porque contempla tódalas posibilidades (polo menos ás que a min se me ocorren) á hora de plantexar unha festa nocturna.
Quizais as fotos son un pouco impactantes con respecto ós debuxos que gardan unha pouca inocencia que pode haber á hora de plantexar unha festa cun contido tan sexual.
A miña nota é un oito sobre dez.
PÁXINA DE “CINEUROPA”
Este proxecto non me gusta porque racha os límites do sinxelo e convírtese nunha páxina pouco cómoda e moi pouco atractiva. Ten moitísima letra, unha fonte e unha cor nada apropiada e un deseño moi incómodo ó ter que traballar tanto coa barra de desprazamento lateral. Me parece que dá moito traballo actualizala cando se producen as galas de cineuropa. Pese a que busca interactividade non fai atractiva a súa participación. A información que ofrece é moi limitada.
A miña nota é un tres sobre dez.
PÁXINA DE “TRISQUEL PRODUCIÓNS”
Esta páxina ten unha presentación moi bonita e atractiva. Invita a ser usuario/a do proxecto.
Ten un deseño moi elegante e unha presentación inicial preciosa. Tanto as cores como o deseño son moi apropiados tendo en conta o posible público ó que vai dirixido.
O xogo coas animacións e coa música é moi atractivo. É moi orixinal o xogo que se fai co símbolo do trisquel e cos pes para permitir a volta á páxina anterior.
Creo que é moi completa e aumenta os contidos típicos dunha páxina dunha productora.
Por todo isto a miña nota é de un nove sobre dez.
PÁXINA DE “TEATRONOARAMIO”
Ten un deseño moi sinxelo, cómodo e práctico. Os contidos son moi completos e aumenta as vías de información propias das páxinas tetarais. As cores son moi apropiadas e danlle seriedade ó proxecto. Dende o meu punto de vista quizais esta seriedade é esaxerada, pero considero que é moito máis apropiada porque no caso de que o grupo se dedique maiormente ás traxedias (que non o sei) pois unha visión máis informal quitarialle veracidade.
Só lle atopei o erro da forma de insertar as imaxes e fotografias porque penso que a ausencia dun borde ou dun marco branco rompe un pouco coa estética que se contrúe en todo o proxecto.
A miña nota é de un oito e medio sobre dez.
PÁXINA “DETAPEO”
Esta páxina ten un deseño moi sinxelo, cómodo e sobre todo práctico porque ofrece multitude de buscadores de información. Proporciona a información básica e necesaria para un ou unha posible usuario/a.
As cores danlle un toque moi elegante e acolledor. As fotografías son as necesarias e empatan moi ben co estilo da páxina.
Quizais faltan máis alternativas informativas xa que só ten unha información moi básica.
A miña nota é de un oito e medio sobre dez.
PÁXINA DE “ESTUDIANTE DE CASA”
Creo que esta páxina é super completa porque proporciona moitísimos contidos o que ten que implicar unha gran labor de documentación.
Penso que a estética é moi adecuada aínda que as cores son demasiado rechamantes e ese verde é dañino para a vista.
Paréceme moi cómoda e moi ben plantexada estéticamente na páxina de inicio.
A miña nota é un oito e medio sobre dez.
PÁXINA “RANCIOGRAFÍAS”
Esta páxina é super orixinal na súa temática e no seu plantexamento. Ten unha estética moi simple pero moi acorde coa idea orixinal. É moi cómoda e está ben organizada.
Gústame moito o detalle de que se tachen os enlaces cando o/a usuario/a os escolle.
A miña nota é dun oito sobre dez.
PÁXINA “QUE HAGO EN SANTIAGO”
Esta páxina ten un deseño moi complexo poque ofrece multitude de opcións de navegación. É cómoda pese a que non ten enlaces mutuos.
É moi rechamante, dende o meu punto de vista demasiado porque faise un pouco empalagosa a suma de tantas animacións e cores.
En canto á temática centrase demasiado nos tópicos, pero isto xa é algo moi persoal.
A miña nota é dun seis e medio sobre dez.
PÁXINA DE “SANTIAGO ÚTIL”
Este proxecto ten unha estética moi sinxela, cómoda, elegante e chamativa. Gústame moito a combinación das cores e a inserción das animacións e das fotografías. É moi orixinal a páxina principal.
Paréceme un tema moi axeitado e ben plantexado porque realmente a vexo útil para un público determinado.
Creo que ten os contidos precisos e que están dispostos para unha navegación moi cómoda.
A miña nota é de nove e medio sobre dez.
